半夜兩點開車離開吉隆坡前往吉蘭丹州嘅哥打巴魯!
路經文冬>勞勿>瓜拉立碑>話望生>瓜拉革賴>哥打巴魯
經過七小時嘅車程我同阿Ken終於到達! 呢個就係阿Ken話一定要食嘅早餐!
呢個係當地人必食嘅早餐! 一個由當地土生華人賣嘅咖喱飯!
咖喱飯當早餐對我哋北馬嘅華人黎講係好普遍
不過呢個有D唔同, 有多少泰國風味畢竟吉蘭丹隔離就係泰國會有少少cross到嘅!
Description:
好少油嘅油飯, 咖喱雞 + 豆角 + 青瓜 + 參吧辣椒 (Sambal belacan)
阿Ken嘅屋企度影嘅..... 典型馬來甘榜屋.
食完早餐就去阿Ken屋企沖涼訓覺(因為經過尋晚7個鍾頭嘅車程好緊要攰咗!)
訓醒都已經一點幾中午, 我哋就來到呢間叫做 安樂飲冰室 食雞飯.
好香嘅油飯! 正宗海南風味!
D做工嘅全部都係馬來同胞, 所以D食物係Halal(清真)嘅, 回教徒都食得.
海南雞飯唔少得嘅白斬雞, 好香!
鹵蛋 :D
除咗白斬雞仲有好特別嘅香脆炸雞!
哥打巴魯市中心嘅鍾樓
食完雞飯我哋去食當地有名嘅"打拜煎蕊" (Cendol Tapai Pulut)
乜嘢係"打拜"咧??? Tapai就係用加咗酒餅發酵嘅糯米飯
味道有D酸酸甜甜. Tapai係一種傳統嘅馬來甜品
加如煎蕊都係第一次食, 味道都唔錯!
食完甜品地陪阿Ken就帶我去全東南亞最大嘅臥佛. 好壯觀啊!
拜完臥佛, 坐係個樹底 D風係咁吹...係咁吹... 好想訓晏覺嘅感覺!
下一站, 坐佛廟 又拜拜... 拜得佛多自有佛庇佑!
好得意嘅一個冇人嘅海邊度假村! 風景好靚! 可能唔係假期季節所以冇人黎....
馬來甘榜屋前曬緊D魚干
好似黃河嘅吉蘭丹河
歎下午茶嘅 "茶吧"
美祿冰加生熟蛋... 有生以來食過最靚嘅生熟蛋!
茶吧 Barista
排隊買晚餐! 吉蘭丹馳名嘅蒸飯! (Nasi Kukus)
蒸飯 (Nasi Kukus) 加咖喱汁, 炸甘榜雞腿
同佢嘅靈魂參吧辣椒 (Sambal belacan)
食到liam-liam俐! (一定要用手食!)
食咗Nasi Kukus抖返三個鍾頭再前往Pantai Cahaya Bulan (月光海灘)
食泰式鐵板黃鱔 (ikan belut) 呢個正啊!!!! 我好食得辣嘅人都定唔順佢嘅辣度!!
不過又好衰! 好辣不過你會唔停口咁食!!!
呢個辣子炒啦啦 (炒峴) 味道嘛麻哋....
好啦, 第一Part完咗, 等我得閒再上第二Part. 多謝嗮!
